GURAT JANARI
na galur waktu kuring ngalayang, ngudag ku haté kayakinan
hanjat tina tibra nu panjang
impian-impian nu can anggeus mo bisa dituluykeun
malah ngan nepi ka implengan
angin batur kuring nalika hudhu
cai mangsi pikeun nulis peuting
marengan peuting aya janari
ku takbir kuring tunduk, husyu ngawurkeun du’a
dipungkas salam janari kagurat
séptémber 2007
Keur Manéhna
pangnyimpeunkeun peuting na salambar kertas, sangkan kuring bisa nineung paripolah manéhna
nyari seurina tuluy kaimpleng na walungan ingetan
séptémber 2007
Di pipir kosan
haturan Rizal Sabda
ngariung di pipir kosan, nyarita panjang tur lila
manjangkeun carita nambah kopi jeung udud
ngariung di pipir kosan, haseup kumalayang
dibalur cakakak jeung cakakak
ngariung di pipir kosan, tan wates
dulur raket lain ku getih jeung daging
ngariung di pipir kosan, kabungah lain nu sorangan
kasusah pék palidkeun sing tenang
ngariung di pipir kosan, ukur panineungan
pancén ahir, lain ku pinter, atawa belet
tapi ku getol nyambungkeun pamanggih batur jeung urang
piknik ti buku ka buku, plesir ti tiori ka tiori
di pipir kosan, hiji drama nu geus digelarkeun
séptémber 2007
Tidak ada komentar:
Posting Komentar